Marius Titus (1946), het in Stellenbosch grootgeword. Van sy eerste gedigte is gepubliseer deur Patrick Petersen van Prog Uitgewers, in wat hy 'n saamry-bundel noem, met die naam Aankoms uit die skemer (1990). Daarna volg Oop gemoed (1990), Dwangherfs (1994) en Genesing uit vuil water (1998). Van sy werk is ook opgeneem in die bundel oor Suid-Afrikaanse digters wat deur Komrij uitgegee is. Volgens Titus skryf hy oor die gebeure in Suid-Afrika soos wat dit hom raak en verwoord hy dit as persoonlike belewenis. Hy glo "menseregte is 'n newe-produk van regte mense".