Louis Esterhuizen Oraloor
Dit sal bewolk wees. Donderstorms
mag voorkom in die namiddag. Vreugde
sal kaggelhoog staan
in voorkamers. Dit sal sneeu. Jy sal my sien-
deur die reën sal ek na jou kom.
Die wind sal suid tot suidwes ontknoop. Skepe
sal vergaan. Dit sal bewolk wees.
Elders mooiweer en soms
warm. Uit alle windrigtings van die son
sal ek na jou kom. Daar sal gedans word.
Twee-twee ingebed by die gloed
van die liefde.
Dit sal reën, deurnag. In my hande
sal ’n reënboog wees.
Mooiweer en sonskyn
oraloor.
(na ’n idee van
Yehuda Amichai)
© 1999 Louis Esterhuizen / De Gekooide Roos
Over Louis Esterhuizen
Welkom (Zuid Afrika), 1955. Onderwijst Afrikaans aan een Highschool in Pretoria.
Publiceerde de dichtbundels: Stilstuipe (1984); Op die oog af (1986);
Die onderwaterweg (1996) en Patzers (1997) en publiceert
regelmatig in diverse Zuid-Afrikaanse tijdschriften.