Hans du Plessis Griekwapsalms
Psalm 121
Ek slat my twee oge op,
my kyk vang die verste kop:
waavanaf sal my hulp nou kom?
My hulp is vannie Jirre, van Hom:
Hy’t nou die jimmel en Prieska gekom maak.
Sonner lat jou voete klipperse raak,
is Hy skoene agterrie skaap.
Hy dink nooit nie eers oor slaap.
Sontyd is Hy hoed op jou kop,
innie nag hou Hy gevaarlikeit dop.
Hy’s mos nou da om jou op te pas:
jou siel hou Hy tissen jou ribbes vas.
Gan jy nou in of gan jy nou yt:
Hy’s oor jou vi ewig en vi altyd.
Psalm 84
Jirre, hoe lieflik is U se heilige hys,
ek wil vi U nou net da gat prys.
Ek wil self nou seintoe gaan
en voor U se deer loop staan.
Ek raak in my hart in bang,
Jirre, vi hierie groot velang.
Die kiewiet het nou hy se plek,
die korhaan met hom skelterbek
is by U se skerm sosse hondjiethie tys.
Ek vra ok die skylte van U se hys,
want een inkelte dag op U se werf
is beterder as om te orie dyne te swerf.
Ek staan liewerster en klop aan U se deer
sa te loop kyer byrie sypviere sonnerrie Heer.
Die Spreke van Salomo
20:13
as jy nou wil skierlik saat armlik raak,
lê dan derie hele dag innie kooi en slaap,
ma staan mettie son saam op en gat loop werk,
en kyk, vanaand innie skerm kook jy skaap
22:2
vorie Jirre is alman gelyk,
of jy arm is of altemit ryk,
die Jirre het die hele mense gekom maak:
Hy sallie selle agter alman kyk
22:13
die lye mens die skrou:
bytoekant wag da ‘n lou,
dan bly lê ek liewerster innie hys
annerster veskeer hy my nou
23:26-28
glo nou vi my, my seun, en onthou:
sosse gevaarlike dyn issie slegte vrou;
mettie bierman se vrou val jy innie putse in,
hy lê toor mettie goeie man se trou
24: 13-14
eet hening, my kjent, dis gesond,
dit smaak soet in jou se mond,
so smaak die gelerenteit ennie deetlikeit:
en jy loop met oormore in jou rond
Uit: Innie skylte vannie Jirre
© 2001 Hans du Plessis / De Gekooide Roos
Over Hans du Plessis
Hans du Plessis is in 1945 in Pretoria gebore. Hy matrikuleer aan die Afrikaanse Hoër Seunskool,
Pretoria. In 1965 behaal hy 'n BA aan die universiteit van Pretoria. In 1975 verwerf hy sy D.Litt.
et Phil aan Unisa. Hy studeer ook in die VSA aan die Harvard Universiteit en volg enkele kursusse
in kreatiewe skryfwerk, ook in Amerika. Hy word in 1981 Professor in Afrikaanse Taalkunde aan die
PU vir CHO, en is tans Direkteur van die ATKV-Skryfskool van die PU vir CHO.
Meer as honderd publikasies het reeds van hom verskyn, waaronder artikels in verskeie tydskrifte
asook 'n aantal taalkundeboeke. Hy debuteer in 1978 as skeppende skrywer met die digbundel Kleinwild.
Daarna volg Gewete van glas (1984). Hy skryf ook romans, jeugverhale en dramas.
In 1996 ontvang hy die CR Swart-prys vir die dramaverwerking van Disse flippen stukkende wêreld
die, my ou. In 1997 ontvang hy saam met Anette du Plessis die erepenning van die SA Akademie
vir Wetenskap en Kuns vir die dokumentêre televisiereeks Afrikaans, ons eie mixed bredie.
En in 1998 kry hy die ATKV-kinderboekprys vir die jeugroman Ditsem, Dawid.
Hy is lid van die Afrikaanse Skrywersvereniging en lid van verskeie vak- en kultuurverenigings.
Tans is hy redaksielid van die tydskrif, Literator, Visevoorsitter van die Direksie van die ATKV,
en hy dien ook op die Direksie van die Aardklop Nasionale Kunstefees.
Hans du Plessis op Wikipedia (afrikaans)